Тъæнджы мæйы 18-æм боны, РЦИ-Аланийы фæсивæды æфсæддон-патриотон хъомылады центры, национ-культурон хъомылады хайады кусджыты фæрцы, Цæгат Ирыстоны Паддзахадон Университеты, физикон-техникон факультеты студенттæн арæзт æрцыд лекци: «Ирон адæмы дарæс». Амонæг уыд Цогойты Батраз, кæцы радзырдта фæсивæдæн раздæр ирон нæлгоймæгтæ сæ кармæ æмæ сæ уавæрмæ гæсгæ цавæр дарæс дардтой, цæмæй бæрæг кодтой иннæ дзыллæйæ, кæцы дзаума сæ уыд вазыгджындæр, кæцы сæ куыд хуынд æмæ цы нысан кодтой. Уымæй уæлдай дæр та, студенттæн æвдыст æрцыдысты нæ фыдæлтæ цавæр хæцæнгæрзтæй архайдтой, æмæ сæ дарæс æцæгæй цæй хуызæн уыд æмæ алы дзаума куыд хуынд, уыдæттæ.